იუსტიციის უმაღლესი საბჭოს წევრობის ვაკანტურ თანამდებობაზე პარლამენტმა ადვოკატი შოთა ქადაგიძე აირჩია.
ვაკანტურ თანამდებობაზე 6 კანდიდატი იყო წარდგენილი. ქადაგიძეს მხარი, ფარული კენჭისყრით, 90 დეპუტატმა დაუჭირა.
წარდგენილი კანდიდატები იყვნენ: იგორ კოპალიანი, ამირან ზენაიშვილი, ცისმარ ონიანი, მარიამ ცისკაძე, შოთა ქადაგიძე, გრიგოლ გაგნიძე.
შოთა ქადაგიძის კანდიდატურა პარლამენტს "ახალგაზრდა ადვოკატებმა" და "საზოგადოებრივმა დამცველმა" შესთავაზა.
შეგახსენებთ, რომ იუსტიციის უმაღლეს საბჭოში ვაკანტური ადგილი უკვე 4 წელია არავის დაუკავებია, რადგან პარლამენტი ვერ თანხმდებოდა კანდიდატურაზე ან კანდიდატი საჭირო რაოდენობის ხმას ვერ აგროვებდა.
