ზუგდიდში, კორცხელის საარჩევნო უბანთან ფიზიკური დაპირპისრება მოხდა. გავრცელებული ინფორმაციით, ნაცემია „ნაციონალური მოძრაობის“ რამდენიმე წარმომადგენელი, მათ შორის თენგიზ გუნავა, ნიკა მელია და გიგა ბოკერია.
საარჩევნო უბანთან შეკრებილმა პირებმა ნიკა მელიას ტერიტორიის დატოვება მოსთხოვეს და უთხრეს, რომ "ნაციონალებს" ხალხთან მისვლის უფლება არ აქვთ, რასაც ფიზიკური დაპირისპირება მოჰყვა.
კორცხელში, დაძაბულ ვითარებაზე საუბრობს ირმა ნადირაშვილიც. "ფეისბუქის" საკუთარ გვერდზე ის წერს, რომ საარჩევნო უბანთან "ხელჩართული ომი მიმდინარეობს".
"კორცხელში დაძაბულობაა და ხელჩართული ომი. პოლიცია არაა პერიმეტრზე. მთელს პასუხისმგებლობას რაც აქ მოხდება ვაკისრებთ მთავრობას. ოცნებამ დილიდან აქ ზონდერების კონცენტრაცია მოახდინა,"-წერს ნადირაშვილი.
"ნაციონალური მოძრაობის" წევრი სოციალურ ქსელში ფოტოსაც აქვეყნებს, სადაც ნიღბიანი პირია ასახული.